Dita e djeshme u shënua si një ditë fitoreje për 204 familje nga Ulqini të cilave në mënyrë të padrejtë u është marrë prona në vitin 1978 nga ushtria e atëhershme Jugosllave.
Ajo që la shumë përshtypje gjatë diskutimeve të klubeve, ishte unanimiteti i mendimit për kthimin e ulishtës pronarëve të vërtet, duke u pajtuar të gjithë me ligjin e propozuar nga deputeti Nimanbegu. Ligji së bashku me 10 amendamente të natyrës teknike u votua në tërësi me 49 vota nga deputetët e pranishëm nga radhët e Koalicioneve: Frontit demokratik, E bardhë në të zezë, Paqa është kombi ynë, Bashkë një za, si dhe partive: SDP, SD dhe LP.
Në sallë për të votuar ligjin mbi Valdanosin nuk u paraqitën asnjë nga deputetët e Partisë boshnjake, si dhe deputetët e DPS-it të cilët nuk marrin pjesë në seancat plenare.